Ibikombe n'imihigo bya Rayon Sports

Abakinnyi bagize ikipe ya Rayon Sports mu mwaka w'imikino wa 2020/2021

Ibikombe bya Shampiyona - 9

1975, 1981, 1997, 1998, 2002, 2004, 2012/2013, 2016/2017, 2018/2019

Rayon Sports niyo kipe ya mbere mu Rwanda ifite umuhigo wo kwegukana igikombe cya shampiyona ku nshuro ya mbere idatsinzwe umukino n’umwe. Iki gikombe Rayon Sports yegukanye idatsinzwe ni icyo yegukanye mu mwaka wa 1981

Umwaka wakurikiyeho wa 1982, Rayon Sports yabaye ikipe ya mbere yasohokeye igihugu mu irushanwa ry’amakipe yabaye aya mbere iwayo (League des Champions) kuko yari yatwaye champiyona mu 1981

Icyo gihe kandi Mukura VS niyo yari yasohokeye igihugu mu irushanwa ry’amakipe yatwaye ibikombe iwayo (Coupe de la CAF des Vainqueurs des Coupes) aho yari yatwaye igikombe cy’ igihugu cyo kuwa 5 Nyakanga 1981

Rayon Sports na Mukura nizo kipe za mbere zasohokeye igihugu mu marushanwa ya CAF.


Igikombe bya CECAFA - 1

1998

Iki gikombe Rayon Sports yegukanye itsinze Mlandege (Zanzibar) byatumye iba ikipe yo mu Rwanda ya mbere yegukanye iki gikombe , icyo gihe yari inaciye umuhigo wo kwegukana iki gikombe igikuye hanze y’igihugu. Uyu muhigo waje gukurwaho na ATRACO ubwo yegukanaga iki gikombe igikuye muri Soudan mu 2009.


Ibikombe by’igihugu - 9

1976, 1979, 1982, 1989, 1993, 1995, 1998, 2005, 2016

Aho yageze ku mukino wa nyuma: 1978, 2010, 2015, 2018


Ibikombe biruta ibindi - 2

2017, 2019


Ibindi bikombe bitandukanye yegukanye

Rayon Sports yegukanye igikombe cyo kwizihiza imyaka 100 umujyi wa Kigali wari umaze ubayeh (Kigali 100 Jubilee Cup) , igikombe cy’Agaciro, icy’Intwali, icya PRIMUS, BRARUDI, Fezabet, icyo kurwanya ruswa ,…


Umuhigo mu karere wo kugera kure mu mikino Nyafurika

2018

Rayon Sports niyo kipe ya mbere yo muri Afurika y’uburasirazuba yabashije kugera mu kiciro cy’amatsinda mu mikino Nyafurika , ubwo yakinaga muri CAF Confederation Cup mu 2018 yabashije kugera mu matsinda iranayarenga ubwo yagarukiraga muri ¼ isezerewe na Enyimba yo muri Nigeria.